قاہرہ: مصر کی ایک عدالت نے کالعدم تنظیم اخوان المسلمین کے رہنماء محمد بیدی کو 13 سینئر ممبران کے ہمراہ سزائے موت سنادی۔
مصرکی سرکاری خبررساں ایجنسی’مینا‘کے مطابق اخوان المسلین جسے 2013 میں کالعدم قراردیا گیاتھا اس کے 14ممبران کو دہشت گرد حملوں کی منصوبہ بندی کے جرم میں سزائے موت سنائی گئی۔
عدالت کے مطابق بیدی اور ان کے ساتھی جن میں اخوان المسلمین کے سابق ترجمان محمود غزلان بھی شامل ہیں، ان سب نے فوج کے ہاتھوں صدرمرسی کا تختۃ الٹے جانے کے بعد آپریشن روم قائم کیا جس میں حکومت کے خلاف دہشت گردی کی کاروائیوں کی منصوبہ بندی کی جاتی تھی۔
اخوان المسلمین کے رہنماؤں کے احمد ہیلمی نے فیصلے کو’مبہم‘قراردیا ہے۔
مقدمے میں کل 51 ملزمان کو نامزد کیا گیا ہے جن میں سے 14 کو سزا سنائی گئی ہے جبکہ 31 سلاخوں کے پیچھے ہیں۔
عدالت نے اپنے فیصلے میں کہا ہے کہ باقی ماندہ ملزمان کے مستقبل کا فیصلہ 11اپریل کو ہوگا۔
مصرمیں سزائے موت کے مجرم کو پھانسی کے ذریعے موت کے حوالے کیا جاتا ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
