مصر: غیر ملکی نشریاتی ادارے کے 2 صحافی ضمانت پر رہا -
The news is by your side.

Advertisement

مصر: غیر ملکی نشریاتی ادارے کے 2 صحافی ضمانت پر رہا

قاہرہ : مصری عدالت نے الجزیرہ نشریاتی ادارے کے دونوں صحافیوں کو ضمانت کی منظوری کے بعد رہا کردیا ہے۔ ان صحافیوں کو جھوٹی خبریں پھیلانے اور کالعدم جماعت کی مدد کے الزامات پر سات اور دس سال کی قید کی سزا سنائی گئی تھی۔

مصری عدالت نے گزشتہ روز دو صحافیوں محمد فہمی اور باہر محمد کے مقدمے کی دوبارہ سماعت کے آغاز پر ان کی ضمانت کی درخواست منظور کرلی تھی،  دونوں صحافیوں کو آج رہا کردیا گیا ہے۔ ان کے تیسرے ساتھی آسٹریلوی صحافی پیٹر گریسٹا پہلے ہی رہائی پانے کے بعد ملک چھوڑ چکے ہیں۔

تاہم عدالت نے ان دونوں کے ملک چھوڑنے پر پابندی لگائی ہے۔ ان تین صحافیوں پرجھوٹی خبریں پھیلانے اور کالعدم جماعت کی مدد کے الزامات ہیں تاہم ان صحافیوں نے اپنے اوپر لگائے گئے الزامات کی تردید کی ہے۔

Comments

comments

یہ بھی پڑھیں