معروف اداکارہ خالدہ ریاست کو بچھڑے 18برس بیت گئے -
The news is by your side.

Advertisement

معروف اداکارہ خالدہ ریاست کو بچھڑے 18برس بیت گئے

لاکھوں لوگوں کا دل عمدہ پر فارمنس سے جیتنے والی معروف اداکارہ خالدہ ریاست کو بچھڑے اٹھارہ برس بیت گئے۔

اپنی دلفریب اداکاری کے باعث مداحوں کو متاثر کرنے والی ماضی کی مشہور اداکارہ خالدہ ریاست نے پاکستان ٹیلی ویژن انڈسٹری میں مختلف کردار نبھا کر خود کو منوایا۔ خا لدہ ریاست یکم جنوری انیس سو تیرپن میں کراچی میں پیدا ہوئیں،

خا لدہ ریاست نے اپنے کرئیر کا آغاز 70 کی دہائی میں پاکستان ٹیلی ویژن پر ڈرامہ سیریل ‘نامدار‘ سے کیا، جس میں ان کے ہمراہ اداکار شکیل نے اہم کردار ادا کیا لیکن انہیں مقبولیت معروف ڈرامہ نگار حسینہ معین کی تحریر کردہ ڈرامہ سیریل ‘بندش‘ سے ملی، جس کو پی ٹی وی ڈرامہ پروڈیوسر محسن علی نے پروڈیوس کیا تھا۔

ان کے مشہور ڈراموں میں کھویا ہوا آدمی ‘ دھوپ دیوار‘ سلورجوبلی ‘ تعبیر ، پناہ ‘ بندش ‘ہاف پلیٹ اور پڑوسی شامل ہیں۔

خالدہ ریاست نے نہ صرف سنجیدہ کردار ادا کیے بلکہ مزاحیہ اداکاری میں بھی خود کو منوایا، خالدہ ریاست کي آخری ڈرامہ سيريل پڑوسی تھی جس کے بعد انہوں نے فنی دنيا سے کنارہ کشی اختيار کرلی۔

لوگوں کو خوشیاں دینے والی یہ باصلاحیت اداکار  کینسر سے لڑتے لڑتے 26اگست 1996 کو اپنے خالق حقیقی سے جا ملی مگر ان کی ٹیلی ویژن کے لیے دی جانے والی خدمات آج بھی انھیں مداحوں کے دلوں میں زندہ رکھے ہوئے ہیں۔

Comments

comments

یہ بھی پڑھیں