The news is by your side.

Advertisement

مقبوضہ کشمیر میں ایک بار پھر پاکستانی پرچم لہرادیا گیا

مقبوضہ کشمیر: سری نگر میں ایک بار پھر پاکستانی پرچم لہرادیا گیا جبکہ کشمیریوں کی جانب سے پاکستان زندہ باد کے نعرے بھی لگائے گئے، جس پر بھارتی فورسز نے شبیر شاہ کی ریلی میں شریک درجنوں افراد کو گرفتار کرلیا ہے۔

تفصیلات کے مطابق سری نگر میں حریت رہنما شبیر شاہ کی قیادت میں ریلی نکالی گئی، ریلی کے دوران کشمیریوں نے پاکستان کے حق میں نعرے لگائے اور پاکستان کا جھنڈا لہرادیا جبکہ مظاہرین نے بھارت کے خلاف نعرے بھی لگائے۔

قابض بھارتی فوج نے ریلی میں پاکستانی پرچم لہرانے پر درجنوں شرکاء کو گرفتار کرلیا، مقبوضہ وادی میں پاکستانی پرچم لہرانے پر بھارتی میڈیا بھی تلملا اٹھا، متعصب میڈیا نے پاکستان دشمنی میں روایتی نفرت انگیز زبان استعمال کرنا شروع کردی۔

واضح رہے کہ مقبوضہ کشمیر میں پاکستانی پرچم لہرانے کا یہ چوتھا واقعہ ہے اس سے قبل مسرت عالم اور علی گیلانی کے جلسوں کے دوران بھی پاکستانی پرچم لہرائے جا چکے ہیں۔

 بھارتی پولیس نے پرچم لہرانے پر کشمیری رہنماؤں کے خلاف مقدمہ درج کرلیا تھا۔

Comments

comments

یہ بھی پڑھیں