The news is by your side.

Advertisement

مقبوضہ کشمیر:23مارچ کو پاکستانی پرچم لہرانے پر آسیہ اندرابی کیخلاف مقدمہ درج

مقبوضہ کشمیر: بھارت نواز حکومت نے تئیس مارچ کو پاکستان کا پرچم لہرانے پر دختران ملت کی سربراہ آسیہ اندرابی کے خلاف مقدمہ درج کرلیا ہے۔

کشمیر کے پاکستان سے الحاق کا نعرہ لگانے والی آسیہ اندرابی سید علی گیلانی کے بعد مقبوضہ کشمیر کی پسندیدہ شخصیت ہیں، جو کشمیر پر بھارت کے غاصبانہ قبضے کے خلاف بات کرنے سے کبھی نہ ڈریں۔

آسیہ اندرابی نے پچیس سال پہلے مقبوضہ کشمیر میں چودہ اگست اور تیئس مارچ کو سبز ہلالی پرچم لہرانے کی جو روایت ڈالی تھی، آج بھی اس پر کاربند ہیں۔

یوم پاکستان پر سبز ہلالی پرچم لہرانے پر بھارتی میڈیا نے انکے خلاف طوفان کھڑا کر دیا۔

کشمیر کی بھارت نواز حکومت نے آسیہ اندرابی کے خلاف بغاوت کا ایک اور مقدمہ درج کرلیا ہے، آسیہ اندرابی تو بھارت کی اس روز سے باغی ہیں جب سے انہوں نے شعور کی آنکھ کھولی تھی، آسیہ اندرابی مقبوضہ کشمیر میں مجسم پاکستان ہیں۔

Print Friendly, PDF & Email

Comments

comments

یہ بھی پڑھیں