ہفتہ, فروری 15, 2025
اشتہار

مقتول اسسٹنٹ پروفیسر وحیدالرحمٰن کی نماز جنازہ ادا، وزیر اعظم کا اظہارافسوس

اشتہار

حیرت انگیز

کراچی: جامعہ کراچی کےاستاد وحید الرحمٰن المعروف یاسر رضوی کی نماز جنازہ ادا کردی گئی۔

تفصیلات کے مطابق جامعہ کراچی کے اسسٹنٹ پروفیسر وحید الرحمان کی نماز جنازہ  فیڈرل بی ایریا میں ادا کرنے کے بعد یاسین آباد قبرستان میں سپرد خاک کردیا گیا۔

نماز جنازہ میں جماعت اسلامی کراچی کے امیر حافظ نعیم الرحمان، جامعہ کراچی کے علاوہ دیگر جامعات کے اساتذہ اور طلبہ ،صحافیوں اور سیاسی سماجی تنظیموں کے کارکنوں سمیت شہریوں کی بڑی تعدادنے شرکت کی ۔ پروفیسر وحید الرحمان صحافت کے پیشے سے بھی وابستہ رہے ۔

علاوہ ازیں وزیر اعظم نواز شریف نے جامعہ کراچی کےاستاد وحید الرحمٰن کے قتل کا نوٹس لیتے ہوئے قاتلوں کی فوری گرفتار ی کا حکم دے دیا۔ وزیر اعظم نے کراچی میں پروفیسروحیدالرحمان کےقتل  پر اظہار افسوس کیا اور واقعے کی مذمت کرتے ہوئے رپورٹ طلب کرلی۔

انہوں نے قاتلوں کی گرفتاری کی ہدایت کرتے ہوئے کہاکہ حکومت کراچی سےجرائم پیشہ عناصرکےخاتمےکی کوشش کررہی ہے،کراچی میں امن وامان کی صورتحال جلدبہترہوجائےگی۔

صدر ممنون حسین نے بھی پروفیسر وحید کے قتل کی مذمت کی ہے صدرممنون حسین نے جامعہ کراچی کے استاد اسسٹنٹ پروفیسر وحید الرحمٰن عرف یاسر رضوی کے قتل کی مذمت کرتے ہوئے کہا ہے کہ علم بانٹنے والوں کے خون سے ہولی کھیلنے والے انسان نہیں ہو سکتے ، انہوں نے واقعہ میں ملوث ملزمان کی فوری گرفتاری کا حکم بھی دیا۔

اہم ترین

مزید خبریں