site
stats
عالمی خبریں

ملالہ یوسف زئی کی نائجیریا کے صدر سے ملاقات

ابوجا : لڑکیوں کی تعلیم کے لیے دنیا بھر میں آواز بلند کرنے والی ملالہ یوسف زئی نے نائجیریا کے دارالحکومت ابوجا پہنچیں،جہاں انھوں نے نائجیریا کے صدر سے ملاقات کی۔

ملالہ یوسف زئی کا کہنا ہےکہ نائجیریا کےصدر گڈلک جوناتھن نے انہیں یقین دلایا ہے کہ نائجیریا کے اسکول سے اغواء ہونے والی دو سو لڑکیاں جلد اپنے گھروں کو لوٹ آئیں گی۔

ملالہ یوسف زئی اغواء شدہ طالبات کی رہائی کےلئے جاری عالمی مہم کےسلسلے میں نائجیریا کے شہر ابوجا پہنچیں، جہاں انہوں نے نائجیرین صدر گڈلک جوناتھن سے ملاقات کی، ملاقات کے بعد میڈیا سے گفتگو میں ان کا کہنا تھا کہ مغوی طالبات ان کی بہنیں ہیں، نائجیرین صدر نے ان سے وعدہ کیا ہے کہ اسلامی شدت پسند گروپ بوکو حرام کی جانب سے اغوا کی گئی دو سو طالبات کی بازیابی کےلئے کوششیں جاری ہیں اور بہت جلد مغوی طالبا ت گھروں کو لوٹ آئیں گی۔

ملالہ یوسف زئی نے مغوی طالبات کے والدین سے بھی ملاقات کی اور ان سے دلی ہمدردی کا اظہار کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top