ملتان: مقامی افراد نے جاوید ہاشمی کی گاڑی کو روک کر بدتمیزی اور نا زیبا الفاظ استعمال کیے اور اپنے ووٹ کا حساب مانگ لیا ہے۔
ملتان میں جاوید ہاشمی کی گاڑی مقامی افراد نے زبردستی روک لیا اور اپنے ووٹ کا حساب مانگا، مقامی افراد کی جانب سے جاوید ہاشمی کے ساتھ بدتمیزی اور نا زیبا الفاظ کا استعمال کیا گیا۔
جس پر جاوید ہاشمی بھی بھڑک اٹھے اور دونوں جانب سے تلخ جملوں کا تبادلہ ہوا، تلخ کلامی مزید بڑھنے سے پہلے ہی مقامی تاجروں نے معاملے کو حل کرا دیا۔
بدتمیزی کرنے والے افراد کی جانب سے معذرت کے بعد جاوید ہاشمی روانہ ہوگئے۔