The news is by your side.

Advertisement

ملتان ، فیصل آباد اور گوجرانوالہ میں3 مجرمان کو پھانسی دیدی گئی

پنجاب : فیصل آباد ،گجرانوالہ اور ملتان میں سزائے موت کے تین قیدیوں کو تختہ دار پر لٹکا دیا گیا جبکہ دو مجرموں کی پھانسی مؤخر کردی گئی۔

گوجرانوالہ سینٹرل جیل میں سزائے موت کے قیدی اعجاز کو علی الصبح پھانسی دیدی گئی ،مجرم اعجاز نے انیس سو اٹھانوے میں  ادھار کی رقم واپس مانگنے پر ایک شخص کو قتل کیا تھا جبکہ سزائے موت کے دوسرے قیدی امجد علی کی پھانسی لواحقین میں صلح کے باعث مؤخر کردی گئی۔

فیصل آباد سینٹرل جیل میں بھی سزائےموت کے دوقیدیوں میں سے ایک کو پھانسی پر لٹکادیا گیا جبکہ دوسرے قیدی کو ہائیکورٹ میں نظر ثانی درخواست کے باعث ایک دن کی مہلت مل گئی۔

ملتان سینٹرل جیل میں قتل کے جرم میں سزا یافتہ قیدی محمد عباس کو پھانسی دیدی گئی۔

اضح رہے کہ گزشتہ برس دسمبر میں حکومت کی جانب سے سزائے موت پر عمل درآمد شروع ہونے کے بعد سے اب تک ملک کی مختلف جیلوں میں تقریبا 100 سے زائد افراد کو سزائے موت دی جاچکی ہے۔

Comments

comments

یہ بھی پڑھیں