ملتان این اے149ضمنی انتخاب کیلئے ضابطہ اخلاق جاری -
The news is by your side.

Advertisement

ملتان این اے149ضمنی انتخاب کیلئے ضابطہ اخلاق جاری

ملتان : الیکشن کمیشن نے این اے ایک سو اننچاس کے ضمنی انتخاب کےلئے ضابطہ اخلاق جاری کردیا ہے، ملتان میں دفعہ ایک سو چوالیس نافذ کردی گئی ہے۔

الیکشن کمیشن اعلامیے کے مطابق خواتین کو ووٹ سے روکنے، پولنگ اسٹیشن یا بوتھ پر قبضہ،جعلی ووٹ، پولنگ اسٹیشن کی چارسو گز حدود میں کیمپ، ووٹر اور سرکاری عملے کو رشوت کی پیشکش اور دھمکانے والوں کیخلاف قانونی کارروائی کی جائے گی۔

الیکشن کمیشن کا عملہ کسی مخصوص جماعت کا نشان نہیں لگا سکتا، اسلحہ کی نمائش پر بھی سخت پابندی ہوگی اور سنگین خلاف ورزی کرنیوالا امیدوار نااہل ہوجائے گا۔

ڈی سی او ملتان زاہدسلیم گوندل کےمطابق سولہ اکتوبر کو شہرمیں عام تعطیل اور دفعہ ایک سو چوالیس کا نفاذ کر دیا گیا ہےجبکہ اسلحہ کی نمائش پر بھی پابندی ہوگی۔

الیکشن کمیشن نے بیلٹ پیپرز، انتخابی فہرستیں اور دیگر انتخابی مواد ریٹرننگ افسران تک پہنچا دیا ہے، حلقے میں مجموعی طور پر دو سو چھیاسی پولنگ اسٹیشن قائم کئے گئے ہیں، جن میں سے ایک سو چوالیس مردوں اور ایک سو بیالیس خواتین کیلئے مخصوص ہیں۔

این اے ایک سو اننچاس میں رجسٹرڈووٹرزکی تعداد تین لاکھ اکتالیس ہزارپانچ سو ستائیس ہے۔

Comments

comments

یہ بھی پڑھیں