The news is by your side.

Advertisement

ملتان :این اے149میں ضمنی انتخاب کے التواء کی درخواست مسترد

اسلام آباد: الیکشن کمیشن نے این اے ایک سواننچاس میں ضمنی انتخاب ملتوی کرنےکی درخواست مسترد کردی ہے، ملتان کے اس حلقے میں الیکشن سولہ اکتوبرکو ہی ہوگا۔

این اے ایک سو اننچاس میں ضمنی انتخاب ملتوی کرانے کی درخواست پنجاب حکومت نے کی تھی، الیکشن کمیشن نے درخواست مسترد کرتے ہوئے کہا کہ ضمنی انتخابات ملتوی نہیں کرائے جاسکتے، تیاریاں مکمل ہیں۔

الیکشن کمیشن نے واضح طور پر کہا ہے کہ انتخابات شیڈول کے مطابق سولہ اکتوبر کو ہوں گے، ذرائع کے مطابق ملتان میں تحریکِ انصاف کے جلسے میں ہلاکتوں کے باعث ضمنی انتخاب ملتوی کرنے کی درخواست کی گئی تھی۔

الیکشن کمیشن نے ضمنی انتخاب کے التواء کی مخالفت کرتے ہوئے کہا کہ تمام انتظامات مکمل ہوچکے ہیں، این اے ایک سو اننچاس کی نشست سینئر سیاستدان جاوید ہاشمی کے استعفے کے بعد خالی ہوئی تھی، اس حلقے میں جاوید ہاشمی اور دوسرے امیداوار عامر ڈوگر کے درمیان کانٹے کا مقابلہ متوقع ہے۔

Print Friendly, PDF & Email

Comments

comments

یہ بھی پڑھیں