The news is by your side.

Advertisement

ملتان: کشتی الٹنے سے دولہا سمیت سترہ افراد ڈوب کر جاں بحق

ملتان: شیرشاہ بند میں دولہا دلہن کی کشتی سیلابی پانی میں الٹ گئی۔ دولہا سمیت سترہ افراد جاں بحق ہو گئے ۔امدادی کارروائیوں کے دوران ایک فوجی جوان شہید ہوگیا۔ متعدد افراد کو بچالیاگیا امدادی سرگرمیاں اب بھی جاری ہے۔

تین روزقبل نکاح کے بندھن میں بندھنے والی دلہن کو کیا معلوم تھا کہ شادی کی خوشیوں کو سیلابی پانی کی نظر لگ جائے گی اور اس کا جیون ساتھی زاہد اس کو سفر کے آغاز پر ہی تنہا چھوڑ جائے گا۔

تفصیلات کے مطابق کشتی میں دولہا دلہن سمیت بائیس سے تیس باراتی شادی کی دعوت میں شرکت کے بعد ایک مقام سے دوسرے مقام جارہے تھے کہ سیلابی پانی کے دوش پر سوار ہچکولے کھاتی کشتی اچانک دریا برد ہوگئی ۔

کشتی میں سوار پچیس سالہ زاہد کی شادی تین روز قبل ہوئی تھی،جس کی شہنائیاں ماتم میں تبدیل ہوگئیں، زاہد کی نئی نویلی دلہن کاصدمے سے نڈھال ہے ،زاہد کےماں باپ بھی بیٹے کے غم میں مبتلاہیں ۔

دو ننھے معصوم بچوں سمیت ڈوبنے والے افراد کی تلاش میں ریسکیو اہلکارسرگرداں ہیں ،اٹھارہ افراد کوپاک آرمی کے جوانوں کی مدد سے نکالاگیا، جن میں سے تین کی حالت تشویش ناک ہے۔

آئی ایس پی آر کے مطابق ریسکیو کرنے والا پاک فوج کا صوبیدار دوسروں کو بچاتے ہوئے جام شہادت نوش کرگیا ۔ پاک بحریہ اور مقامی ریسکیو کی جانب سے شیرشاہ بند پر امدادی کارروائیاں جاری ہیں ۔

Print Friendly, PDF & Email

Comments

comments

یہ بھی پڑھیں