site
stats
اہم ترین

ملتان کو بچانے کیلئے ہیڈ محمد والا کا بند توڑنے کا فیصلہ

بنجاب :ملتان کو بچانے کیلئے مظفر گڑھ اور ملتان روڈ کے درمیان پچاس فٹ چوڑا شگاف ڈال دیا گیا ہے، خطرے کی صورت میں ہیڈ محمد والا کا بند توڑنےکا فیصلہ کیا گیا ہے۔

دوسری جانب سیلابی ریلا ہمروت،بستی سیال اور لنگڑیال سمیت معتدد علاقوں میں داخل ہوگیا ہے۔

بھارت کی جانب سے آنے والے سیلابی ریلوں نے بالائی پنجاب کے بعد جنوبی پنجاب میں تباہی مچا دی، سیلابی ریلا جھنگ، شورکوٹ ، احمد پور سیال اورااٹھارہ ہزاری میں ہزاروں ایکڑ پر کھڑی فصلیں اور سیکڑوں مکانات تباہ کرتا ہوا ملتان میں تباہی مچانے کے لئے داخل ہو گیا ہے۔

ملتان ہیڈ محمد والا کے قریب مظفر گڑھ اور ملتان روڈ کے درمیان انتظامیہ نے بھاری مشینری لگا کر شگاف ڈال دیا ہے، پاک فوج کے جوان امدادی کارروائیوں میں مصروف ہیں، ملتان محمد پور گھوٹا سے شیر شاہ تک کے درمیان دریائی پٹی کی مسلسل نگرانی کی جارہی ہے۔

پنجند سے گزرنے والا یہ سات لاکھ کیوسک کا سیلابی ریلا ہفتہ کے روز کوٹ مٹھن کے مقام پر دریائے سندھ میں گزرے گا ، دریائے چناب کے سیلابی ریلے سے کشمور ، سکھر اور گڈو بیراج سے ملحقہ علاقوں میں بڑے پیمانے پر تباہی کا خدشہ ہے۔

سیلابی ریلا گڈو ، سکھر، کوٹری بیراج سے ہوتا ہوا سمندر میں جا گرے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top