site
stats
بزنس

ملک بھرمیں پیٹرول کی فراہمی ہفتےیا اتوار سے شروع ہوجائیگی

کراچی : پیٹرول کی قلت بحران کی شکل اختیار کرنے پرحکومت جاگ گئی۔پی ایس او کو رقم جاری کردی گئی۔پچاس ہزار میٹرک ٹن تیل بھی آگیا۔قلت کے حوالے سے آئل مارکیٹنگ کمپنیز سے حکومت نے جواب طلب کرلیا۔

پی ایس او ذرائع کےمطابق پچاس ہزار میٹرک ٹن تیل لانے والا بحری جہاز جمعرات کو کراچی پہنچ گیا ہے، جس کے بعد ملک میں پیٹرول کی فراہمی ہفتےیا اتوار سےبہتر ہونا شروع ہوجائیگی۔

جبکہ وزارت خزانہ سے پی ایس او کو ساڑھےسترہ ارب روپےجاری کر دئیےگئےہیں۔ذرائع کاکہنا ہےکہ پی ایس او کےبجلی گھروں اور دیگر اداروں پر واجبات دو سو پندرہ ارب روپےتک پہنچ چکےہیں۔۔

واجبات کی عدم ادائیگی کےباعث پی ایس اوکو تیل کی درآمد کیلئے ایل سیز کھولنے میں بدستور مشکلات کاسامنا ہے،جبکہ بروقت ادائیگیاں نہ ہونےسے پی ایس اُو کو تین ماہ میں 25کروڑ روپےکا جرمانہ بھی اداکرنا پڑا ہے۔

ادھرپٹرول کی قلت پر آئل اینڈگیس ریگولیٹری اتھارٹی نے آئل مارکیٹنگ کمپنیز کو شوکازنوٹس جاری کرنےکا عندیہ دیا ہے۔ تمام آئل مارکیٹنگ کمپنیز سے تیل کے ذخیرےکاریکارڈ طلب کرلیا گیاہے۔

اُوگرا لائسنس کےمطابق کمپنیاں بیس روزکیلئےپیٹرول کااسٹاک رکھنےکی پابندہیں۔پیٹرول کی قلت پر آئل مارکیٹنگ کمپنیز پرجرمانےعائد ہونےکا بھی امکان ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top