ملک بھر میں انسدادِ پولیو مہم جاری -
The news is by your side.

Advertisement

ملک بھر میں انسدادِ پولیو مہم جاری

کراچی : ملک کے مختلف شہروں میں پولیو مہم جاری ہے، کراچی میں انسدادِ پولیو مہم کے پیشِ نظر ڈبل سواری پر تئیس مارچ تک پابندی ہے۔

ملک کو پولیو سے پاک کرنے کے لئے مختلف شہروں میں پولیو مہم جاری ہے، کراچی میں تین روزہ انسدادِ پولیو مہم تین بڑے اضلاع شرقی، غربی اور جنوبی میں چلائی جارہی ہے۔

ڈائریکٹر صحت ڈاکٹر ظفر اعجاز کا کہنا ہے کہ پولیو مہم کے دوران شہر کی ایک سو گیارہ یونین کونسلوں میں گیارہ لاکھ سینتیس ہزار بچوں کو پولیو کے قطرے پلائے جانے کا ہدف مقرر کیا گیا ہے، پولیو مہم کے دوران ڈبل سواری پر پابندی عائد ہے۔

لاہور میں انسدادِ پولیو مہم اٹھارہ مارچ تک جاری رہے گی، ڈی سی او لاہور کے مطابق پولیو مہم کے دوران پندرہ لاکھ ستر ہزار بچوں کو پولیو کے قطرے پلائے جائیں گے۔

بنوں میں بھی پولیو مہم جاری ہے، مہم کے دوران ایک لاکھ اسی ہزار چھ سو بیاسی بچوں کو پولیو سے بچاو کے قطرے پلائے جائیں گے، جن میں بائیس ہزار آئی ڈی پیز کے بچے بھی شامل ہیں۔

Comments

comments

یہ بھی پڑھیں