ملک بھر میں سردی کا راج، بارش اور برفباری کی پیش گوئی -
The news is by your side.

Advertisement

ملک بھر میں سردی کا راج، بارش اور برفباری کی پیش گوئی

کراچی : ملک کے بیشتر علاقوں میں بارش سے سردی رخصت ہوتے ہوتے لوٹ آئی ہے۔ محکمہ موسمیات نے بیشتر شہروں میں مزید بارش اور پہاڑوں پر برفباری کی نوید سنادی ہے۔

سرد ہوا اور گہرےبادل ،کہیں ہلکی بارش تو کہیں اونچے پربتوں پر برفباری کے مناظر،ملک کے بیشتر حصوں میں موسم کی بدلتی رُت نے سردی کو واپس آنے پر مجبور کردی۔

لاہور اور کراچی سمیت پنجاب اور سندھ کے بیشتر شہروں میں سورج سرمئی بادلوں کی اوٹ میں چھپا ہے۔ اس دلفریب منظر میں برکھا رت نے موسم مزیدسہانا کرنے کے ساتھ ٹھنڈ کوبھی بڑھادیا ہے۔

جڑانوالہ،گوجرانوالہ ، گجرات، ساہیوال ، ٹوبہ ٹیک سنگھ سمیت پنچاب کے بیشتر شہروں میں گھٹائیں برسیں تو محکمہ موسمیات نے پنجاب بھر میں مزید بارش اور سردی میں اضافے کا امکان بھی ظاہر کردیا۔

سکھر ،نوشہرو فیروز اور سندھ کے دیگر شہروں میں بھی مارچ کے مہینےکا استقبال برستی بوندوں نے کیا ۔ موسم کا حال بتانے والوں نے ملک کے بیشتر حصوں میں مزید بارش اور پہاڑوں پر برفباری کی پیشگوئی کی ہے۔

Comments

comments

یہ بھی پڑھیں