ملک بھر میں محرم الحرام کی مجالس اورجلوسوں کا سلسلہ جاری -
The news is by your side.

Advertisement

ملک بھر میں محرم الحرام کی مجالس اورجلوسوں کا سلسلہ جاری

کراچی : ملک بھر میں محرم الحرام کی مجالس اورجلوسوں کا سلسلہ جاری ہے، کسی بھی ناخوشگوار واقعے سے نمٹنے کیلئے سیکیورٹی کے سخت انتظامات کئے گئے ہیں۔

محرم الحرام کی آمد کے ساتھ ہی ملک بھر مجالس اور جلوس کا آغاز ہوگیا ہے، کراچی میں بڑے پیمانے پرمجالس منعقد کی جارہی ہیں۔ان کی سیکیورٹی کیلئے پولیس کی بھاری نفری تعینات کردی گئی ہے، صوبائی وزیرِ بلدیات شرجیل میمن نے اٹھ محرم سے محرم تک موٹرسائیکل کی ڈبل سواری پر پابندی عائد کردی ہے۔

راولپنڈی اوراسلام آباد میں مجالس اورجلوسوں کی سیکیورٹی کیلئے پولیس کی بھاری نفری امام بارگاہوں پرتعینات ہے، پنڈی میں داخلی وخارجی راستے بند کرنے اور جلوس کے راستوں کو سیل کرنے کیلئے کنٹینرز کا استعمال کیا جائے گا۔

لاہور میں آٹھ ہزار پولیس جوان سیکیورٹی کے فرائض انجام دے رہے ہیں، ڈی آئی جی آپریشنز لاہور کے مطابق شہرمیں آٹھ ، نو اور دس محرم کو ڈبل سواری پرپابندی ہوگی جبکہ نو اوردس محرم کوموبائل فون سروس بھی بند رہے گی۔

ملتان میں مختلف امام بارگاہوں پرسی سی ٹی وی کیمرے اور واک تھرو گیٹ بھی لگائے گئے ہیں، محرم میں ضلع بہاولپور اور ملتان میں دہشت گردی کے خطرہ کے پیشِ نظر دونوں اضلاع میں سیکیورٹی فول پروف بنانے کی ہدایات جاری کردی گئی ہیں، کوئٹہ میں محرم کے دوران پولیس کے پانچ ہزار اہلکارسیکیورٹی ڈیوٹی کررہے ہیں۔

خیرپور میں بھی سیکیورٹی کے انتہائی سخت انتظامات کیے گئے ہیں۔

Comments

comments

یہ بھی پڑھیں