site
stats
پاکستان

ملک بھر میں پولیو کے مزید5 نئے کیسز کی تصدیق

کراچی : ملک بھرمیں پولیوکے مزید پانچ نئے کیس سامنے آگئے ہیں، رواں برس سامنے آنے والے کیسز کی تعداد دو سو تینتالیس ہوگئی ہے۔

پاکستان میں پولیو نے سنگین صورتحال اختیار کرلی ہے، پولیو سے پاک  پاکستان یہ سب کا خواب ہے لیکن وفاق یا صوبائی حکومتوں کی کارگردگی، پلان، اجلاس اور بیانات کے سواء کی کچھ نہیں، گذشتہ چوبیس سے چھتیس گھنٹوں کے دوران ملک بھر میں مزید پانچ بچے زندگی بھر کے لئے معذور ہوگئے اور وفاقی وزیر صحت سائرہ افضل ہنگامی اقدامات کرنے کے بجائے اعداد وشمار ہی میں پھنسی ہوئی ہیں۔

اپنی نااہلی چھپانے کے لئے وفاقی وزیر صحت نے سارا ملبہ صوبائی حکومت پر ڈال دیا۔

پولیو کے دو نئے کیس فاٹا ،ایک پشاور ، ایک سندھ اور ایک کیس بلوچستان میں سامنے آیا ہے ۔ کراچی کےعلاقے بن قاسم میں آٹھ ماہ کے بچے میں پولیو وائرس کی تصدیق ہوئی ہے، سندھ میں رواں برس سامنے آنے والے پولیو کیسز کی تعداد پچیس اور مجموعی طور پرملک بھر میں رپورٹ ہونے والے پولیو کیسز کی تعداد دوسو تینتالیس ہوگئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top