ملک بھر میں کشمیریوں سے یکجہتی کیلئے ریلیاں -
The news is by your side.

Advertisement

ملک بھر میں کشمیریوں سے یکجہتی کیلئے ریلیاں

ملک بھر میں کشمیریوں سے یکجہتی کیلئے ریلیاں نکالی جارہی ہیں، کراچی تا خیبر کشمیر بنے گا پاکستان کے نعرے گونج اٹھے۔

اسلام آباد میں کشمیریوں سے یکجہتی کے اظہار کیلئے ریلی نکالی گئی اور بھارت کے مقابلے میں نہتے کشمیریوں کے جذبۂ آزادی کو خراج تحسین پیش کیا گیا، کراچی میں تحریکِ حرمت رسول نے یومِ یکجہتی کشمیر پر ریلی نکالی، لاہور میں پیپلز پارٹی کے زیرِ اہتمام ریلی نکالی گئی، جس میں لوگوں کی بڑی تعداد شریک ہوئی۔

فیصل آباد میں بھی کشمیریوں سے یکجہتی کیلئے ریلی نکالی، جس میں بچوں اور بڑوں کی کثیر تعداد شریک تھی، ریلی میں کشمیر سے محبت اور بھارت سے نفرت کا اظہار کیا گیا۔

ملتان میں جماعتِ اسلامی سمیت دیگر جماعتوں نے ریلیاں نکالیں، گوجرانوالہ میں بھی مظلوم کشمیری عوام سے اظہار یکجہتی کیلئے ریلی نکالی گئی، شیخوپورہ میں ریلی نکالی گئی، جس میں شریک شہریوں نے کشمیریوں سے یکجہتی کا اظہار کیا۔

کوئٹہ میں جماعتِ اسلامی اور دیگر جماعتوں نے کشمیری عوام سے یکجہتی کا اظہار کیا، پشاور میں بھی یومِ یکجہتی کشمیر کی مناسبت سے مختلف تنظیموں نےریلیاں نکالیں۔

لاڑکانہ کے شہریوں نے کشمیریوں سے یکجہتی کیلئے ریلی نکالی گئی، بدین میں جماعت اسلامی اور دیگر مذہبی جماعتوں نے کشمیری بھائیوں سے اظہار یکجہتی کیا۔

Comments

comments

یہ بھی پڑھیں