The news is by your side.

Advertisement

ملک بھر میں یومِِ علی کیلئے سیکیورٹی ہائی الرٹ کردی گئی

کراچی : ملک بھر میں یوم علی کیلئے سیکیورٹی ہائی الرٹ کردی گئی، محکمہ داخلہ سندھ نے کراچی، حیدرآباد اور سکھر میں دو روز کیلئے ڈبل سواری پر پابندی لگادی ہے، لاہور پولیس نے رینجرز سے ہیلی کاپٹر مانگ لیا۔

ملک بھر میں یوم علی کے حوالے سے سیکیورٹی ہائی الرٹ کردی گئی، لاہور میں یومِ علی کے جلوس کی سیکیورٹی کیلئے ہزاروں پولیس اہلکار فرائض انجام دیں گے، پنجاب رینجرز کی تین کمپنیاں بھی تعینات کی جائیں گی، جلوس میں شامل افراد کی بائیومیٹرک چیکنگ بھی ہوگی۔

جلوس کے راستوں پر موبائل جام کرنے کیلئے پولیس نے ہوم ڈیپارٹمنٹ کو خط لکھ دیا جبکہ سیکیورٹی فرائض کیلئے رینجرز سے ہیلی کاپٹر بھی مانگ لیا ہے، فیصل آباد میں یومِ علی کے موقع پر دوہزار سے زائد پولیس اہلکار سیکیورٹی فرائض سرانجام دیں گے۔

جلوس کی سی سی ٹی وی کیمروں اور موبائل وین کیمروں سے مانیٹرنگ کی جائے گی۔

سندھ میں بھی یومِ علی کے موقع پر سیکیورٹی الرٹ کردی گئی ہے، محکمہ داخلہ نےکراچی سکھر اور حیدر آباد میں آٹھ اورنو جولائی کو موٹر سائیکل کی ڈبل سواری پر پابندی لگادی ہے، سکھر میں گیارہ سو پولیس اہلکار سیکیورٹی کے فرائض انجام دیں گے جبکہ رینجرز سے بھی مدد طلب کی جائے گی۔

Print Friendly, PDF & Email

Comments

comments

یہ بھی پڑھیں