The news is by your side.

Advertisement

ملک بھر کےمتعدد علاقوں میں طویل غیر اعلانیہ لوڈشیدنگ سے شہری بلبلا اٹھے

اسلام آباد: وفاقی وزیر بجلی و پانی عابد شیر علی کا کہنا تھا کہ رمضان المبارک میں سحر و افطار اور تراویح کے اوقات میں لوڈ شیڈنگ نہیں کی جائے گی جبکہ یکم رمضان المبارک سے آج تک غیر اعلانیہ لوڈشیڈنگ نہ صرف جاری رہی بلکہ اس کے دورانیہ میں مزید اضافہ کردیا گیا ہے۔

 ملک بھر کے مختلف علاقوں میں طویل غیر اعلانیہ لوڈ شیڈنگ کا سلسلہ بدستور جاری ہے، ملک بھر کے متعدد علاقوں میں طویل غیر اعلانیہ لوڈشیدنگ سے شہری بلبلا اٹھے، لوڈ شیڈنگ کے باعث اعتکاف میں بیٹھے لوگ اندھیرے اور گرمی کے باعث چیخ اٹھے۔

ساہیوال میں غیر اعلانیہ لوڈ شیڈنگ کا دورانیہ چودہ گھنٹے سے تجاوز کر گیا، ملتان میں گیلانی روڈ پر شہریوں نے بجلی کی لوڈ شیڈنگ کیخلاف احتجاجی مظاہرہ کرکے ٹائر جلا کرروڈ بلاک کردی، کوہلو میں سحری کے وقت شہر کے بیشتر علاقوں میں لوڈ شیڈنگ جاری ہے، جس سےروزے داروں کو شدید مشکلات کا سامنا ہے۔

کراچی کے علاقے شادمان ٹائون، لیاری اور نارتھ کراچی سمیت مختلف علاقوں میں شدید گرمی میں بجلی کی لوڈ شیڈنگ جاری رہنے سے بوڑھے، خواتین اور بچوں کو شدید مشکلات کا سامنا ہے۔

Print Friendly, PDF & Email

Comments

comments

یہ بھی پڑھیں