ملک بھر کے وکلاء کا 6اگست کو اسرائیلی مظالم کیخلاف یوم احتجاج کا اعلان -
The news is by your side.

Advertisement

ملک بھر کے وکلاء کا 6اگست کو اسرائیلی مظالم کیخلاف یوم احتجاج کا اعلان

لاہور : ملک بھر کی بار ایسوسی ایشنوں نے غزہ پر اسرائیلی مظالم کے خلاف چھ اگست کو یوم احتجاج منانے کا اعلان کردیا ہے۔

لاہور ہائی کورٹ بار کی جانب سے جاری اعلامیے کے مطابق ملک بھر کی ہائی کورٹ اور ڈسٹرکٹ بار ایسوسی ایشنوں نے فیصلہ کیا ہے کہ چھ اگست کو مظلوم فلسطینی عوام پر اسرائیلی مظالم کے خلاف یوم احتجاج منایا جائے گا ۔

چھ اگست کو ملک بھر میں وکلاء احتجاجی اجلاس منعقد کریں گے اور شہدا کی غائبانہ نماز جنازہ ادا کی جائے گی، لاہور ہائی کورٹ بار کے مطابق نہتے فلسطینیوں پر اسرائیلی مظالم کسی صورت قابل قبول نہیں، عالمی برداری فوری مداخلت کر کے اسرائیلی حملے رکوائے۔

ہائی کورٹ بار کی جانب سے مسلمان ممالک کی خاموشی کی شدید مذمت کرتے ہوئے مطالبہ کیا گیا کہ حکومت پاکستان اس معاملے پر او آئی سی کا اجلاس بلوائے اور اقوام متحدہ میں اٹھائے۔

Comments

comments

یہ بھی پڑھیں