The news is by your side.

Advertisement

ملک سے دہشت گردی اور انتہاپسندی کو جڑ سے اکھاڑلیں گے، آصف علی زرداری

کراچی : پیپلزپارٹی کے شریک چیئرمین اور سابق صدر آصف علی زرداری نے کہا ہے کہ نیشنل ایکشن پلان پر موثر اور مکمل عملدرآمد کیا جائے،ملک سے دہشت گردی اور انتہاپسندی کو جڑ سے اکھاڑلیں گے۔

آرمی پبلک اسکول کے شہداء کی پہلی برسی کے موقع پر جاری پیغام میں آصف علی زرداری نے کہا ہے کہ ہمارے بچے ہمارے ہیرو تھے ، وہ نہتے تھے اور ان پر حملہ آور ظالم تھے آرمی پبلک اسکول کے شہیدوں کو سلام پیش کرتے ہیں ۔ انہوں نے کہا کہ نیشنل ایکشن پلان کے عملدرآمد میں ناکامی کا مطلب شہداء کی قربانیوں کورائیگاں کرنا ہے۔

اے پی ایس حملے کے کرداروں کو کیفر کردار تک پہنچائیں گے ،انہوں نے کہا کہ اے پی ایس پر حملہ کرنے والے نہایت ظالم انتہاپسنداور طاقتور عسکریت پسند تھے،اورداعش کے جنونی کھلے عام آزاد گھوم رہے ہیں ،آصف علی زرداری نے کہا کہ نیکٹا ابھی تک غیر فعال ہے ، اور نیشنل ایکشن پلان کے اہم حصوں پر کوئی توجہ نہیں دی گئی۔

Print Friendly, PDF & Email

Comments

comments

یہ بھی پڑھیں