site
stats
بزنس

ملک میں سیاسی کشیدگی :ڈالرایک پھرسراٹھانے لگا

اسلام آباد :ملک میں جاری سیاسی ہلچل سے نے ڈالر کو ایک بار پھر پر لگا دیئے ہیں۔ انٹر بینک اور اوپن مارکیٹ میں ڈالر ایک سو تین سے زائد کا ہوگیا۔ روپے کی قدر میں کمی سے ملکی قرضوں میں ایک سو تراسی ارب روپے سے زائدکا اضافہ ہوا۔

سیاسی حالات سے پیدا ہونے والی صورت حال کے باعث روپے کی قدر مسلسل دباؤ کا شکار ہے ۔ملک میں ڈالر کی قیمت ایک مرتبہ پھر بڑھ کر ایک سو تین روپے کے لگ بھگ ہوگئی ہے۔

اس وقت پاکستان کے ذمے واجب الادا قرض ساٹھ ارب ڈالر ہے جس میں ڈالر مہنگا ہونے سے ایک سو تراسی ارب روپے سے زائد کا اضافہ ہوگیا ہے اور اگر ڈالر مزید مہنگا ہوتا ہے تو اس سے پاکستان کے ذمے قرض کا حجم مزید بڑھ جائے گا۔

ملکی معیشت کو اب تک مجموعی طور پر سات کھرب روپے کے لگ بھگ نقصان ہوچکا ہے۔ٹیکس وصولیاں بھی متاثر ہوئی ہیں۔ آرڈرز منسوخ ہونے سے صنعتیں اور کاروباری سرگرمیاں متاثر ہورہی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top