اسلام آباد: وزارت پیٹرولیم کے مطابق ملک میں پیٹرول کی کی کوئی قلت نہیں، حکومت نے وافر مقدار میں پیٹرول درآمد کیا ہوا ہے۔
وزارت پیٹرولیم ترجمان کے مطابق رواں ماہ آئل مارکیٹنگ کمپنیز تین لاکھ پچاس ہزار میٹرک ٹن پیٹرول درآمد کریں گی جبکہ مقامی ریفائنریز بھی ایک لاکھ تیس ہزار ٹن پیٹرولیم مصنوعات تیار کریں گی۔
ترجمان کے مطابق پنجاب اور بالائی علاقوں میں پچاس ہزار ٹن پیٹرول کا ذخیرہ موجود ہے مزید پچاس ہزار میٹرک ٹن پیٹرول کراچی سے پنجاب کے لیے روانہ کر دیا گیا ہے۔
پیٹرولیم سیکٹر زرائع کے مطابق رواں ماہ آئل مارکیٹنگ کمپنیوں کے گیارہ جہاز کراچی پہنچیں گے۔
