اسلام آباد: وفاقی وزیرتجارت انجینئرخرم دستگیر خان نے کہا ہے کہ نیشنل ٹیرف کمیشن آرڈیننس 2015ء کی منظوری سے پاکستانی صنعت اورزراعت کا بہتردفاع ہوسکے گا۔
ان کا کہنا تھا کہ نئے قانون کے تحت میرٹ پرچیئرمین کی تقرری اورادارے کی استعداد میں مثبت اضافہ ہوا ہے۔
اپنے ایک بیان میں انہوں نے کہا کہ نیشنل ٹیرف کمیشن نے اشتہارات کے ذریعے تمام تجارتی سیکٹرزکو دعوت بھی دی ہے کہ وہ برآمدات میں کسی تجارتی استحصال کی صورت میں اینٹی ڈمپنگ اور کاؤنٹرویلنگ ڈیوٹی کیلئے ادارے سے رجوع کریں۔
وفاقی وزیر نے کہا کہ نیشنل ٹیرف کمیشن کا نیا اورشفاف قانون لایا گیا ہے جس سے ملک کا تجارتی دفاع مضبوط ہوگیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں