ملک کو سیاسی نیلوفر کا بھی خطرہ ہے، سراج الحق -
The news is by your side.

Advertisement

ملک کو سیاسی نیلوفر کا بھی خطرہ ہے، سراج الحق

کوئٹہ: امیر جماعت اسلامی سرا ج الحق کا کہنا ہے ملک کو سمندری نیلوفر طوفان کی طرح سیاسی نیلوفر کا بھی خطرہ ہے۔ حکومت اور تحریک انصاف سے مطالبہ ہے کہ کو معاملے کو افہام و تفہیم سے حل کریں۔

کوئٹہ پہنچنے کے بعد ائیر پورٹ پر میڈیا سے بات چیت کرتے ہوئے امیر جماعت اسلامی کا کہنا تھا کہ دھرنوں کے باعث پیدا ہونے والی صورتحال تحریک انصاف اور حکومت دونوں کے لئے امتحان ہے۔ حکومت اور تحریک انصاف سے مطالبہ ہے کہ معاملات کو افہام و تفہیم سے حل کیا جائے۔

امیر جماعت اسلامی کا کہنا تھا کہ ہنگامہ ہوا تو نقصان حکمران طبقہ کا نہیں غریبوں کا ہوگا۔ جماعت اسلامی کے امیر نے ایک سوال کے جواب میں کہا کہ مولانا فضل الرحمن پر حملہ قابل مذمت ہے اور حکومت بتائے کہ یہ سب کیوں ہورہا ہے۔

انھوں نے کہا کہ بلوچستان کی محرومی دور کرنے کے سابقہ ادوار کے وعدے ابھی تک پورے نہیں ہوئے اور موجودہ حکومت صوبے کے مسائل اور محرومیوں کا جلد خاتمہ کرے۔

Comments

comments

یہ بھی پڑھیں