The news is by your side.

Advertisement

ملک کے بالائی علاقوں میں سردی بڑھ گئی،درجہ حرارت میں اضافہ

ملک کے بالائی علاقوں اوربلوچستان میں سردی مزید بڑھ گئی ہے ۔۔سب سے کم درجہ حرارت قلات میں منفی بارہ سینٹی گریڈ ریکارڈ کیا گیا۔ ملک کے بالائی علاقوں اور بلوچستان میں سردی کی شدت میں مزید اضافہ ہوگیا ہے۔

گلگت بلتستان کے ضلع دیامر میں بٹوگا ٹاپ، بابو سر ٹاپ اور نیاٹ ویلی کے پہاڑوں پر دو دن سے برف باری کا سلسلہ وقفے وقفے سے جاری ہے۔غذر کے بالائی اور میدانی علاقوں میں تیسرے روز بھی برف باری ہورہی ہے۔

شدید سردی کے سبب ندی نالوں میں پانی جم گیا۔مالا کنڈ ایجنسی میں بھی برف باری کے بعد سردی میں اضافہ ہوگیا ہے۔ جلانے والی لکڑیوں اور کوئلے کی قیمتیں بہت زیادہ بڑھادی گئی ہیں۔

چمن، زیارت، پشین،خانوزئی اور کان مہترزئی سمیت شمالی بلوچستان کے مختلف علاقوں میں خشک سردی برقرار ہے۔ سندھ اورپنجاب میں بھی سرد ہوائیں چل رہی ہیں۔

Comments

comments

یہ بھی پڑھیں