The news is by your side.

Advertisement

ملک کے بیشترعلاقوں میں موسم سرد اورخشک رہے گا،محکمہ موسمیات

ملک کے بالائی علاقوں میں برفباری کے بعد سردی کی شدت میں اضافہ ہوگیا ہے جبکہ میدانی علاقوں کو بھی جاڑے نے اپنے سحر میں جکڑا ہوا ہے۔
گزشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا۔تاہم ملک کے بالائی علاقوں میں مطلع ابرآلود رہا۔

مالاکنڈ ڈویژن میں چند ایک مقامات پر بارش اور پہاڑوں پر ہلکی برفباری ہوئی۔ مری،ناران،کاغان اور مالم جبہ سمیت بالائی علاقوں میں واقع تفریحی مقامات پر برفباری کے بعد سیاحوں کا تانتا بندھا ہوا ہے۔شمالی بلوچستان،سندھ اور پنجاب میں بھی سرد ہواوٴں کا راج ہے۔ سردی کی شدت میں اضافے بعد گرم مشروبات اور میوجات کا استعماال بڑھ گیا ہے۔

ملک کے بیشتر شہروں کے لنڈا بازاروں میں گرم کپڑوں کے خریداروں کا رش بڑھ گیا ہے۔ آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا۔

تاہم مالاکنڈ ڈویژن اور گلگت بلتستان میں مطلع ابرآلود رہنے اور چند ایک مقامات پر ہلکی بارش اور پہاڑوں پر ہلکی برفباری کا امکان ہے۔ آج ملک میں سب سے کم درجہ حرارت پارا چنار منفی گیارہ ڈگری سینٹی گریڈ ریکارڈ کیا گیا۔
    

 

Comments

comments

یہ بھی پڑھیں