The news is by your side.

Advertisement

ملک کے مختلف شہروں میں بارش، موسم خوشگوار

اسلام آباد / راولپنڈی / گوجرانوالہ/ سرگودھا / لاہور : ملک کے مختلف شہروں میں موسلادھار بارشوں نے موسم خوشگوارکردیا۔ شہریوں کے چہرے خوشی سے کھل اٹھے۔

محکمہ موسمیات کا کہنا ہے کہ بارشوں کا سلسلہ آئندہ دو روز تک جاری رہے گا، تفصیلات کے مطابق ملک کے مختلف شہروں میں وقفے وقفے سے جاری بارشوں کے سلسلے نے موسم خوشگوار کردیا ہے۔

شیخوپورہ میں موسلادھار بارش نے گرمی کو بھگادیا۔ حویلی لکھا میں بھی بادل کھل کر برس رہے ہیں ۔ محکمہ موسمیات کے مطابق اگلے دو سے تین روز کے دوران مون سون بارشوں کا سلسلہ اسلام آباد، کشمیر، بالائی پنجاب، فاٹا اوربالائی خیبرپختونخوا میں کم شدت کے ساتھ جاری رہے گا۔

اسلام آباد،راولپنڈی، گوجرانوالہ، سرگودھا، لاہور، فیصل آباد، ساہیوال ڈویژن، فاٹاجنوبی وزیرستان ، گلگت اور کشمیر میں کہیں کہیں جبکہ ڈی جی خان، ڈی آئی خان، ژوب، کوئٹہ ڈویژن چند مقامات پر گرج چمک کیساتھ مزید بارش کا امکان ہے۔

ادھر میدانی علاقے ایک بار پھر گرمی کی لیپٹ میں آگئے ہیں ، سب سے زیادہ درجہ حرارت دالبندین میں اکتالیس ڈگری سینٹی گریڈ ریکارڈ کیا گیا ۔

Comments

comments

یہ بھی پڑھیں