The news is by your side.

Advertisement

ملک کے مختلف شہروں میں ٹریفک حادثات،3جاں بحق،28زخمی

میرپور بھٹورو میں ٹرک اور موٹر سائیکل میں تصادم نے تین افراد کی جان لے لی جبکہ پشاور میں اسکول وین الٹنے کے سبب گیارہ بچے زخمی ہوگئے۔

ملک کے مختلف شہروں میں سڑکوں کی مخدوش حالت اور سردی میں دھند کے باعث ٹریفک حادثات معمول بن گئے، سندھ کے علاقے میرپور بھٹورو میں ٹرک اور موٹر سائیکل میں تصادم کے باعث تین افراد زندگی سے ہاتھ دھو بیٹھے۔

پشاور میں رنگ روڈ پل کے قریب اسکول وین الٹ گئی، جائے حادثہ پر موجود افراد نے وین میں پھنسے بچوں کو باہر نکالا، حادثے میں گیارہ بچے زخمی ہوئے، چار بچوں کو ابتدائی طبی امداد کے بعد فارغ کر دیا گیا۔

سات بچے اسپتال میں زیر علاج ہیں، پولیس نے وین ڈرائیور کو گرفتار کرلیا، حادثے کی وجہ غلط اوور ٹیکنگ بتائی جاتی ہے، ہری پور میں دو مختلف ٹریفک حادثات میں ایک خاتون جاں بحق اور چار زخمی ہوگئیں۔

زخمی خواتین کو فوری طبی امداد کے لئے اسپتال منتقل کر دیا گیا، کراچی میں کاٹھور پل کے قریب گاڑی الٹ گئی، حادثے میں تیرہ افراد زخمی ہوگئے جنھیں طبی امداد کے لئے اسپتال منتقل کر دیا گیا۔
 

Comments

comments

یہ بھی پڑھیں