The news is by your side.

Advertisement

ملیحہ لودھی نے اقوام متحدہ میں مستقل مندوب کا عہدہ سنبھال لیا

نیویارک :ملیحہ لودھی نے اقوام متحدہ میں پاکستان کی مستقل مندوب کا عہدہ سنبھال لیا ہے، ملیحہ لودھی اقوام متحدہ میں پاکستان کی پہلی خاتون سفیر ہوں گی۔

اقوام متحدہ میں پاکستانی کی مستقل مندوب کا عہدہ سنبھالنے کے موقع پر ملیحہ لودھی نے کہا کہ اقوام متحدہ میں ملکی مفادات کا بھرپور تحفظ اور دفاع کروں گی، ملک میں امن واستحکام اور مغربی سرحدوں کا دفاع اولین ترجیح ہے۔

انہوں نے کہا کہ پاکستان جنوبی ایشیاء میں امن وسلامتی کے فروغ کیلئے کوششیں کررہا ہے، سلامتی کونسل میں اصلاحات کے بارے میں اصولی موقف پر قائم ہیں، افغانستان میں پائیدار امن کے خواہاں ہیں۔

ملیحہ لودھی نے کہا کہ 2015ء اقوام متحدہ کیلئے انتہائی اہمیت رکھتا ہے کیونکہ اس سال عالمی ادارے کے قیام کے 70 سال مکمل ہوجائیں گے۔ انہوں نے مزید کہا کہ وہ عالمی فورمز اورنیویارک کو فنانشل کمیونٹی میں بھی پاکستان کے اقتصادی مفادات کو فروغ دینے کیلئے کوشاں رہیں گی۔

واضح رہے کہ ملیحہ لودھی اس سے قبل امریکا میں پاکستان کی سفیر اور برطانیہ میں ہائی کمشنر کی خدمات بھی انجام دے چکی ہیں۔ وزیر اعظم نواز شریف کی ہدایت پر ڈاکٹر ملیحہ لودھی  2 ماہ قبل اقوام متحدہ میں پاکستان کا مستقل مندوب تعینات کیا گیا تھا۔

Print Friendly, PDF & Email

Comments

comments

یہ بھی پڑھیں