site
stats
اہم ترین

ممتاز قادری کی اپیل کا فیصلہ پیرکو سنایا جائے گا

اسلام آباد : سابق گورنر پنجاب سلمان تاثیر قتل کیس میں گرفتار ممتاز قادری کی اپیل کا فیصلہ اسلام آباد ہائیکورٹ میں سوموار کے روز سنایا جائے گا۔

تفصیلات کے مطابق جسٹس نورا لحق این قریشی اور جسٹس شوکت عزیز صدیقی پر مشتمل ڈویژن بینچ  سلمان تاثیر قتل کیس کا فیصلہ سنائے گا۔

سا بق گورنر پنجاب سلمان تاثیر قتل کیس میں گرفتار ممتاز قادری کو انسداد دہشت گردی کی عدالت سے یکم اکتوبر دو ہزار گیارہ کو سزائے موت سنائی گئی تھی جسے ممتاز قادری نے اسلام آبادہائیکورٹ میں چیلنج کیاتھا۔

ہائیکورٹ کے چیف جسٹس اقبال حمیدالرحمان اور جسٹس محمد انور خان کاسی نے ممتاز قادری کی جانب سے دائر کی گئی اپیل پر فیصلہ سناتے ہوئے گیارہ اکتوبر دو ہزار گیارہ کو حکم امتناعی جاری کیا تھا۔

گذشتہ سماعت پر درخواست گزار کے وکیل سابق چیف جسٹس لاہور ہائیکورٹ خواجہ محمد شریف اور سابق جسٹس میاں نظیر نے اپیل پر اپنے دلائل مکمل کرلئے تھے جبکہ وفاق کی جانب سے ایڈووکیٹ جنر ل میاں عبدالرؤ ف نے بھی اپنے دلائل مکمل کرلئے۔

فریقین کے دلائل مکمل ہونے کے بعد جسٹس نورالحق قریشی اور جسٹس شوکت عزیز صدیقی کی عدالت نے تقریباًایک ماہ پہلے ممتاز قادری کی اپیل پر فیصلہ محفوظ کیاتھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top