site
stats
Uncategorized

منہاج القرآن سیکریٹریٹ پرعوامی تحریک کے کارکن جمع

لاہور:  منہاج القرآن سیکرٹریٹ کے ممکنہ محاصرے کے پیش نظرعوامی تحریک کے کارکنوں کی بڑی تعداد جمع ہوگئی۔ کارکنوں میں خواتین بھی شامل ہیں۔

لاہور کےعلاقے ماڈل ٹاؤن میں منہاج القرآن سیکرٹریٹ اور پاکستان عوامی تحریک کے سربراہ طاہر القادری کی رہائش گاہ کے ممکنہ محاصرے کے باعث عوامی تحریک کے کارکنان خواتین سمیت سیکریٹریٹ پرجمع ہوگئے ہیں۔

کارکن وقفے وقفے سے نعرے لگا کر اپنے قائد سے عقیدت کا اظہار کر رہے ہیں، سیکریٹریٹ پر موجود ایک خاتون کارکن نے کہا کہ طاہرالقادری کو نظر بند یا گرفتار کرنے کی ہر کوشش کو ناکام بنا دیا جائےگا۔

کارکنوں نے انتظامیہ کے خلاف بھی شدید نعرے بازی کی، ان کا کہنا تھا کہ گرفتاریوں اورہتھکنڈوں سے انقلاب کا راستہ روکا نہیں جاسکتا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top