site
stats
پاکستان

لاہور ہائیکورٹ نے منہاج القرآن سے ٹیکس وصولی سے روک دیا

لاہور : لاہور ہائیکورٹ نے منہاج القرآن ویلفیئر سوسائٹی کو 70 کروڑ روپے کا ٹیکس بجھوائے جانے کے خلاف درخواست نمٹاتے ہوئے معاملہ کمشنر ان لینڈ ریونیوکو بھجوادیا، لاہور ہائیکورٹ نے کمشنر اِن لینڈ ریونیو کے فیصلے تک منہاج القرآن سے ٹیکس وصولی سے روک دیا۔

منہاج القرآن ٹیکس وصولی کیس کی سماعت لاہور ہائی کورٹ کے جسٹس عاطر محمود نے کی۔ منہاج القرآن کی جانب سے عدالت کو بتایا گیا کہ منہاج القرآن ایک فلاحی ادارہ ہے ، قانون کے مطابق کسی فلاحی ادارے سے ٹیکس وصول نہیں کیا جاسکتا۔

پنجاب حکومت نے سیاسی بنیادوں پر دباؤ ڈالنے کےلیے 70 کروڑ روپے ٹیکس کا نوٹس بجھوایا، جو غیر قانونی ہے، عدالت کالعدم قرار دے۔

سرکاری وکیل کا کہنا تھا کہ قانون میں اب ترمیم  ہو چکی ہے، فلاحی ادارے بھی اب ٹیکس ادا کرینگے، عدالت نے وکلاء کے دلائل سننے کے بعد منہاج القرآن کی درخواستیں نمٹا دی ۔

عدالت نے معاملہ کمشنر ان لینڈ ریونیوکو بجھوا کر اس پر تین ہفتوں میں فیصلہ کرنے کی ہدایت کرتے ہوئے حکم دیا کہ جب تک کمشنر فیصلہ نہ کریں منہاج القرآن سے ٹیکس وصول نہ کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top