اسلام آباد: حکومت نے محصولات کا ہدف پورا کرنے کیلئے مختلف اشیا پردرآمدی ڈیوٹی عائد کردی ہے جبکہ پاک ایران گیس پائپ لائن کی منظوری بھی دے دی گئی۔
وفاقی دارالحکومت میں وزیرخزانہ اسحاق ڈارکی زیرصدارت اقتصادی رابطہ کمیٹی کا اجلاس ہوا جس میں فیڈرل بورڈ آف ریونیو کی تجویز پر مختلف درآمدی اشیا پر ڈیوٹی عائد کی گئی۔
اجلاس میں درآمدی سٹیل کی مصنوعات پرپندرہ فیصد، موبائل فونز پرفی سیٹ دوسو روپے، کولڈرول کوائلزاور پلیٹڈ شیٹس پربھی پانچ فیصد ریگولیٹری ڈیوٹی عائد کرنے کی منظوری سمیت اہم بجلی کے نجی کارخانوں کو کسٹمز ڈیوٹی کی مد میں پانچ فیصد چھوٹ دینے کا بھی فیصلہ کیا گیا جس کا اطلاق آئندہ تین سال تک ہوگا۔
اجلاس میں پاک ایران اورتاپی گیس پائپ لائن منصوبوں کی منظوری گئی ہے جس کا مقصد منصوبوں سے حاصل ہونے والی گیس کو ملک کے دیگر حصوں تک پہنچانا ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
