site
stats
بزنس

موبائل فونز کی ملکی درآمدات میں 15.35 فیصد کا اضافہ

اسلام آباد: گذشتہ مالی سال کے مقابلہ میں رواں مالی سال 2014-15ءکے پہلے دو مہینوں کے دوران موبائل فونز کی ملکی درآمدات میں 15.35 فیصد کا اضافہ ہوا، جولائی اگست2014ء کے دوران 115.162 ملین ڈالرکے موبائل فون درآمد کئے گئے جبکہ گذشتہ مالی سال کے اسی عرصہ کے دوران 99.837 ملین ڈالر کی درآمدات کی گئی تھیں۔

ادارہ برائے شماریات پاکستان( پی بی ایس) کے اعدادوشمار کے مطابق اگست 2013ء کے مقابلہ میں رواں سال اگست کے دوران درآمدات میں 21.11 فیصد جبکہ جولائی2014ء کے مقابلہ میں اگست 2014ءکے دوران درآمدات میں 38.12 فیصد کا اضافہ ریکارڈ کیا گیا، اگست 2014ءمیں موبائل فونز کی درآمدات کا حجم 66.8 ملین ڈالر جبکہ جولائی2014ءمیں 48.362 ملین ڈالر کے فون درآمد کئے گئے ، اسی طرح اگست 2013ءکے دوران 55.158 ملین ڈالر مالیت کے موبائل فونز درآمد کئے گئے تھے۔

رپورٹ کے مطابق رواں مالی سال کے پہلے دو مہینوں کے دوران ٹیلی کام کے شعبہ کی مجموعی ملکی درآمدات میں 33,67 فیصد کا اضافہ ریکارڈ کیا گیا اور اس دوران279.21 ملین ڈالرکی درآمدات کی گئیں جبکہ گذشتہ مالی سال کے اسی عرصہ کے دوران208.879 ملین ڈالر کی درآمدات کی گئی تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top