موبائل فون بند پھر بھی آپ فون سے کال اور تصاویر بناسکتے ہیں -
The news is by your side.

Advertisement

موبائل فون بند پھر بھی آپ فون سے کال اور تصاویر بناسکتے ہیں

نیویارک : سیکیورٹی ریسرچ فرم اے وی جی کا کہنا ہے کہ انڈرائڈ اسمارٹ فون میں ایک ایسا خطرناک پروگرام موجود ہے جو کہ فون بند ہونے کی صورت میں بھی آپ کے فون سے کال اور تصاویر بنا سکتا ہے۔

اے وی جی کا کہنا ہے کہ ایسا کرنے کے لیے یہ پروگرام آپ کے فون کے شٹ ڈاؤن کے عمل کو ہیک کر لیتا ہے اور آپ کو ایسا محسوس ہوتا ہے کہ فون بند ہو رہا ہے۔

اس عمل کے دوران یہ پروگرام موبائل کی اسکرین پر شٹ ڈاؤن کا لوگو دکھاتے ہوئے اسکرین کو بند کردیتا ہے تاہم ایسا صرف دیکھنے میں ہوتا ہے اور حقیقت میں اسمارٹ فون آن ہی رہتا ہے، اس پروگرام کا نام انڈرائڈ پاورآف ہائی جیک ہے۔

اے وی جے کے ترجمان نے ٹیکنالوجی سائٹ میش ایبل کو بتایا ہے کہ اب تک یہ پروگرام دنیا بھر میں دس ہزار سے زائد اسمارٹ فونز کو متاثر کر چکا ہے۔

اے وی جی کا کہنا ہے کہ ان کا نیا اینٹی وائرس اس پروگرام کو تلاش کر سکتا ہے تاہم کمپنی نے صارفین کو مشورہ دیا ہے کہ اگر وہ اپنا موبائل فون حقیقی طور پر بند رکھنا چاہتے ہیں تو وہ اس کی بیٹری کو نکال کر رکھیں۔

ایسی حالت میں یہ پروگرام آپ کے فون کو کسی کو بھی میسجز بھیجنے، کال کرنے اور فون کے کیمرے سے تصاویر اور ویڈیو بنانے کے لیے استعمال کر سکتا ہے۔

Comments

comments

یہ بھی پڑھیں