The news is by your side.

Advertisement

موجودہ حکومت سے وابستہ امیدیں دم توڑ چکی ہیں،مولانا سمیع الحق

جے یو آئی سمیع الحق گروپ کے سربراہ مولانا سمیع الحق نے کہا ہے کہ پاکستانی طالبان ملک کا سب سے بڑا مسئلہ ہیں، ڈرون اور خودکش حملے دونوں جائز نہیں، موجودہ حکومت سے وابستہ امیدیں دم توڑ چکی ہیں۔

لاہور میں پریس کانفرنس سے خطاب کرتے ہوئے مولانا سمیع الحق کا کہنا تھا کہ حکومت اور طالبان دونوں اپنے اپنے مؤقف پر ڈٹے ہوئے ہیں، مذاکرات ہونے چاہیئیں۔ انہوں نے کہا کہ طالبان کیخلاف آپریشن کا ردعمل ملک بھر کو لپیٹ میں لے سکتا ہے۔

لاہور سمیت بڑے شہروں میں خودکش حملوں کا سلسلہ شروع ہو جائے گا۔ مولانا سمیع الحق نے کہا کہ طالبان سے مذاکرات کے سوا دوسرا کوئی آپشن نہیں لیکن جب بھی مذاکرات شروع ہوتے ہیں تو امریکہ ڈرون حملہ کردیتا ہے۔

انہوں نے ڈرون اور خودکش حملوں کو ناجائز قرار دیتے ہوئے کہا کہ موجودہ حکومت سے قوم کو بہت سی توقعات اورامیدیں وابستہ تھیں جو اب ختم ہوچکی ہیں، طاہرالقادری سمیت جو بھی ملک کی خاطر جدوجہد کرے گا، اس کا خیر مقدم کرینگے۔

Comments

comments

یہ بھی پڑھیں