مودی کی جانب سے امداد کی پیشکش مذاق کے مترادف ہے، حافظ سعید -
The news is by your side.

Advertisement

مودی کی جانب سے امداد کی پیشکش مذاق کے مترادف ہے، حافظ سعید

پنجاب :جماعت الدعوۃ کے امیر حافظ محمد سعید نے کہا ہے کہ بھارت نے پانی چھوڑنے کی پیشگی اطلاع نہ دے کر آبی جارحیت کی، مودی کی جانب سے امداد کی پیشکش مذاق کے مترادف ہے۔

رانا ٹاؤن شاہدرہ میں سیلاب سے متاثرہ علاقوں کے دورے کے موقع پر میڈیا سے گفتگو کرتے ہوئے جماعت الدعوۃ کے امیر حافظ محمد سعید نے کہا ہے کہ بھارت نے پیشگی اطلاع کے بغیر پانی چھوڑا، جس سے پنجاب میں بڑے پیمانے پر تباہی پھیلی ہے، بھارت آبی جارحیت سے باز نہیں آ رہا، مقبوضہ کشمیر میں 62 ڈیمز بنائے جا رہے ہیں۔

ان کا کہنا تھا کہ بھارت ہر سال بغیر اطلاع پانی چھوڑ کر پاکستان کو معاشی طور پر تباہ کر رہا ہے لیکن عالمی برادری کے کانوں پر جوں تک نہیں رینگ رہی، اگر اب بھی بھارت کو آبی جارحیت سے نہ روکا گیا تو پھر بڑی تباہی کا سامنا کرنا پڑے گا۔

حافظ سعید نے کہا کہ بھارتی وزیرِاعظم نریندر مودی کی امداد کی پیشکش مذاق ہے، مقبوضہ کشمیر میں آزاد کشمیر سے زیادہ تباہی آئی ہے، جہاں کے متاثرہ بھائیوں کے لئے امدادی سامان بھیجا جائے گا۔

انہوں نے کہا کہ یہ سیاسی اختلافات کا وقت نہیں، ہر ایک کو متاثرین سیلاب کی مدد کرنی چاہیئے، اختلافات حل کرنے کیلئے پارلیمنٹ اور عدلیہ موجود ہیں۔

Comments

comments

یہ بھی پڑھیں