The news is by your side.

Advertisement

موسم گرما کا آغاز، بجلی کا شارٹ فال5 ہزار میگاواٹ پہنچ گیا

اسلام آباد: حکومتی دعوؤں کی ایک بار پھر قلعی کھلنے لگی ہیں، موسم گرما کے آغاز کے ساتھ ہی ملک بھر میں بجلی کا شار ٹ فال پانچ ہزار میگاواٹ تک جا پہنچا۔

ملک میں بجلی کی پیداوار میں کمی کے باعث شارٹ فال بڑھ کر پانچ ہزار میگاوٹ ہوگیا ہے، جس کی وجہ سے لوڈشیڈنگ کے دورانیہ میں مزید اضافہ کردیا گیا۔

گزشتہ روز بھی دن کو مسلسل اور رات کو کم لوڈ شیڈنگ کی پالیسی اپنائی گئی، مرمت کے نام پر مختلف علاقوں میں فیڈرز آٹھ سےاٹھارہ گھنٹے کیلئے بند رکھے گئے۔

پی ایس او کی جانب سے فرنس آئل میں کمی کے باعث پیداوار میں مزید کمی ہوئی اور پیداوار نو ہزار میگاواٹ سے بھی کم ہوگئی ہے، شہروں میں دس گھٹنے اور دیہی علاقوں میں پندرہ گھنٹے تک کی لوڈشیڈنگ کی گئی۔

انرجی مینجمنٹ سیل کے ذرائع کے مطابق گزشتہ روز بجلی کی مجموعی مانگ تیرہ ہزار میگاواٹ جبکہ پیداوار آٹھ ہزار میگاواٹ کے لگ بھگ رہی۔

Print Friendly, PDF & Email

Comments

comments

یہ بھی پڑھیں