مڈٹرم الیکشن کسی کی خواہش پر نہیں ہوسکتے،خورشیدشاہ -
The news is by your side.

Advertisement

مڈٹرم الیکشن کسی کی خواہش پر نہیں ہوسکتے،خورشیدشاہ

کوئٹہ: پاکستان پیپلزپارٹی کے رہنماء اور قومی اسمبلی میں قائد حزبِ اختلاف سید خورشید شاہ نے کہا ہے کہ ڈنڈے کے زور پر وزیرِاعظم سے استعفیٰ نہیں لیا جاسکتا اور نہ ہی کسی کی خواہش پر مڈٹرم الیکشن ہوں گے، اقتدارمیں آکر نوازشریف اُمیدیں پوری نہیں کرسکے ہیں۔

انھوں نے کہا کہ ملک کے خلاف چاروں طرف سے سازشیں ہورہی ہیں، متحد ہوکر مسائل حل کرنے ہوں گے، خورشید شاہ نے عمران خان اور طاہر القادری سے متعلق کہنا تھا کہ عمران خان اور طاہر القادری عوام کو نا ممکن خواب دکھا رہے ہیں۔

کوئٹہ میں نیوز کانفرنس کرتے ہوئے قومی اسمبلی میں قائد حزبِ اختلاف سید خورشید شاہ کا کہنا تھا کہ موجودہ حالات میں دھرنوں کی سیاست مناسب نہیں اور نہ ہی لوگوں کو سب کچھ ٹھیک کرنے کی جھوٹی امید دلانا درست ہیں جب تک ملک معاشی طور پر مستحکم نہیں ہوگا نہ بجلی سستی ہوگی اور نہ تعلیم مفت فراہم کی جاسکے گی۔

انہوں نے کہا کہ ملک کا بیڑا غرق کرنے والوں کا کوئی نام نہیں لیتا، صرف سیاستدان بدنام ہیں، سید خورشید شاہ کا مزید کہنا تھا کہ بلاول بھٹو زرداری ہمارے لیڈر ہیں ہماری کیا جرات کہ ان سے کہلوائیں وہ جو کہتے ہیں ہم اسی پر عمل کرتے ہیں۔

ایک سوال کے جواب میں پیپلز پارٹی کے رہنماء کا کہنا تھا کہ ملتان واقعہ افسوسناک ہے، تنقید نہیں کرنا چاہتا وزیراعلیٰ پنجاب سے جوڈیشل تحقیقات کا مطالبہ کیا ہے تاکہ ذمہ داروں کا تعین ہوسکے۔

Comments

comments

یہ بھی پڑھیں