میرانشاہ: امریکی ڈرون حملہ، 6افراد ہلاک، 4زخمی -
The news is by your side.

Advertisement

میرانشاہ: امریکی ڈرون حملہ، 6افراد ہلاک، 4زخمی

شوال: پاک افغان بارڈر کے قریب امریکی ڈرون حملے میں چھ افراد ہلاک اور چار زخمی ہوگئے۔

شمالی وزیرستان کی تحصیل شوال میں امریکی جاسوس طیاروں نے ایک مکان پر چار میزائل داغے، جس کے نتیجے میں چھ افراد ہلاک اور چار زخمی ہوگئے۔

ذرائع کے مطابق پاک افغان بارڈر کے قریب ہونے والے ڈرون حملےمیں ہلاکتیں بڑھنے کا خدشہ ہے، ہلاک افراد کی شناخت تاحال نہ ہوسکی۔ واقعے کے بعد جاسوس طیارے علاقے میں کافی دیر تک نچلی پروزایں کرتے رہے، جس سےعلاقے میں شدید خوف و ہراس پھیل گیا ہے۔

سال 2015 کےانیس ویں روز یہ تیسرا امریکی ڈرون حملہ ہے، اس سال کا پہلا ڈرون حملہ پانچ جنوری کو ہوا، جس میں طالبان سے تعلق رکھنے والے آٹھ افراد ہلاک ہوئے تھے۔

دوسرا ڈرون حملے 15 جنوری کو شوال میں کیا گیا، حملے میں سات شدت پسند مارے گئے تھے۔

گذشتہ برس کے دوران شمالی وزیرستان کا علاقہ ہی امریکی ڈرون حملوں کا مرکز رہا ہے اور وہاں 2014 میں 19 حملے کیے گئے۔

یاد رہے کہ حکومت اور کالعدم تحریک طالبان پاکستان کے درمیان امن مذاکرات کی ناکامی اور کراچی ایئرپورٹ پر حملے کے بعد پاک فوج نے شمالی وزیرستان میں گذشتہ سال 15 جون آپریشن ضربِ عضب شروع کیا تھا، اس کے سلسلے میں وہاں پاکستان فوج کی کارروائیاں جاری ہیں۔

Comments

comments

یہ بھی پڑھیں