site
stats
اہم ترین

میرشکیل اور حامد میر کوگرفتار کرکے 6 اگست کو پیش کرنے کا حکم

لاہور:عدالت نے جیو اور جنگ کے مالک میر شکیل الرحمان ، میر ابراہیم اور حامد میر کو گرفتار کر ک پیش کرنے کا حکم دیا ہے۔
لاہور میں ایڈیشنل سیشن جج ندیم انصاری نے آفتاب ورک ایڈووکیٹ کی جانب سے دائر فوجداری استغاثے کی سماعت کی ۔ درخواست گزار کی جانب سے عدالت کوبتایا گیا کہ دو مئی کو حامد میر نے پاک فوج کے خلاف توہین آمیز کالم لکھا جو جنگ گروپ کے تمام اخبارات میں شائع ہوا ۔جس سے پاک فوج کی بدنامی اور کروڑوں پاکستانیوں کی دل آزاری ہوئی ، درخواست گزارکا کہنا تھا حامد میر نے توہین آمیز کالم میر شکیل اور میر ابراہیم کی ایما پر لکھا۔ لہذا عدالت ان کے خلاف سخت کارروائی کا حکم دے ۔عدالت نےوارنٹ گرفتاری جاری کرتے ہوئے پولیس کو حکم دیا ہے کہ میر شکیل ، میر ابراہیم اور حامد میر کو چھ اگست کو گرفتار کر کے پیش کیا جائے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top