میرپور آزاد کشمیر: سزائے موت کے دو قیدیوں کو پھانسی پر لٹکادیا -
The news is by your side.

Advertisement

میرپور آزاد کشمیر: سزائے موت کے دو قیدیوں کو پھانسی پر لٹکادیا

میرپور آزاد کشمیر: سنٹرل جیل میرپور آزاد کشمیر میں قید سزائے موت کے دو قیدیوں کو پھانسی پر لٹکا دیا، کوٹ لکھپت جیل سے جلاد بھی میرپور بلوایا تھا جبکہ گزشتہ شب ورثاء سے آخری ملاقات کروادی گئی تھی۔

پاکستان کے بعد آزاد کشمیر میں سزائے موت پر عملدرآمد شروع ہوگیا ہے، میرپور آزاد کشمیر کی سینٹرل جیل میں قید دو سزائے موت کے قیدیوں محمد ریاض ولد مظفر ساکن پوٹھی راجگان اور محمد فیاض ولد شفیع ساکن دندی سرائے عالمگیر کو آج پھانسی دیدی گئی۔

سینٹرل جیل انتظامیہ نے انتظامات مکمل کرنے کے بعد دونوں قیدیوں کے ورثاء سے ان کی آخری ملاقات بھی کروادی تھی۔

سزائے موت کے مجرمان نے سن دو ہزار پانچ میں سابق صدر سپریم کورٹ بار فضل ربانی کے گھر ڈکیتی کے دوران مزاحمت پر فائرنگ کرکے ان کے بیٹے کو قتل کر دیا تھا، ملزمان نے صدر آزاد کشمیر سردار یعقوب کے پاس بھی رحم کی اپیل کی، جس کو مسترد کر دیا گیا تھا۔

دونوں قیدیوں کو پھانسی دینے کے لیے کورٹ لکھپت جیل لاہور سے جلاد صابر مسیح سینٹرل جیل میرپور بلوایا تھا۔

واضح رہے کہ سانحہ پشاور کے بعد وزیرِاعظم نے پھانسی پر عائد پابندی ختم کردی تھی، جس کے بعد اب تک 22 دہشتگردوں کو پھانسی دی جا چکی ہے۔

Comments

comments

یہ بھی پڑھیں