میری جدوجہد غریب کسانوں اور ہاریوں کے لیے ہے، الطاف حسین -
The news is by your side.

Advertisement

میری جدوجہد غریب کسانوں اور ہاریوں کے لیے ہے، الطاف حسین

لندن :متحدہ کے قائد الطاف حسین نے کہا ہے ان کی جدوجہد سندھ کے غریب کسانوں ، ہا ریوں اور محروم طبقات کیلئے ہے۔

متحدہ قومی مو ومنٹ کے قائد الطاف حسین نے متحدہ زونل آفس حیدرآباد میں زونل کمیٹی، سیکٹرز کمیٹیوں کے ارکان اور ذمہ داروں سے ٹیلی فون پر گفتگو کرتے ہوئے کہا کہ وہ سندھ کے غریب ہاریوں، کسانوں اور دیگر غریب سندھیوں کو ظالم وڈیرں کے ظلم اور جبر کی زنجیروں سے آزاد کرانا چاہتے ہیں اور کوئی طاقت انہیں سندھ کے حقوق کی جدوجہدسے نہیں روک سکتی اسی لئے سندھ کے وڈیرے اور جا گیر دار ایم کیوایم کے خلاف پر پیگنڈہ کررہے ہیں ۔

الطاف حسین نے کہا کہ پورے ملک کا نظام گلاسڑا اور فرسودہ ہے، یہاں عزت کی بنیاد دولت ہے، عدالتوں سے انصاف بھی دولت مندوں کو ملتا ہے۔

ان کا یہ بھی کہنا تھا کہ مہاجروں، سندھیوں، پنجابیوں، پختونوں،بلوچوں، سرائیکیوں، کشمیریوں اور ہزارے وال سمیت تمام قومیتوں کے مسائل یکساں ہیں، پاکستان بھر کے تمام غریب ومحروم عوام کومعاشرے میں برابر کا حق دلانے کیلئے مہاجر قومی موومنٹ کو متحدہ قومی موومنٹ میں تبدیل کیا۔

ذمہ داران وکارکنان نے الطا ف حسین کویقین دلایا کہ پروپیگنڈہ کرنے والے سازشوں میں کامیاب نہیں ہوسکتے اورغریب سندھی عوام اپنے حقوق لے کر ہی رہیں گے۔

Comments

comments

یہ بھی پڑھیں