میلسی: لڑکی نے بچے کو جنم دینے کے بعد کھیت میں پھینک کر فرار -
The news is by your side.

Advertisement

میلسی: لڑکی نے بچے کو جنم دینے کے بعد کھیت میں پھینک کر فرار

لاہور: میلسی کے نواحی علاقے میں لڑکی نے بچے کو جنم دینے کے بعد کھیت میں پھینک دیا اور فرار ہو گئی نو مولود بچہ 7گھنٹے تک روتا اور بلکتارہا بچے کی رونے کی آواز سن کر اہل علاقہ نے پولیس کو اطلاع دی پولیس نے بچہ اپنی تحویل میں لے کر اولاد سے محروم ایک شخص کو دے دیا۔

پولیس کے مطابق 22سالہ شبانہ نا می لڑکی نے اپنے بچے کو گھر میں جنم دیا اور وہ اپنے نومولود بچے کو کپڑے میں باندھ کر کھیت میں پھینک کر فرار ہو گئی اہل علاقہ سے تفتیش کے دوران پولیس کو شبانہ کا علم ہوا جس نے بچے کو جنم دینے کا اعتراف کیا اور کہا کہ اس نے اپنے بچے کو بھائیوں اور باپ کے ڈر کی وجہ سے پھینکا ہے اور وہ اپنے کئے پر شرمندہ ہے۔

پولیس کا کہنا ہے کہ شبانہ کو طبی امداد کے لئے اسپتال منتقل کر دیا گیا ہے اور اس کے خلاف قانونی کارروائی کے لئے لیگل برانچ سے راہنمائی لی گئی ہے تا کہ شبانہ کے خلاف کارروائی عمل میں لائی جا سکے۔

Comments

comments

یہ بھی پڑھیں