site
stats
پاکستان

میٹرو بس اور شمسی توانائی کے بعد گیس سے چلنے والے پاور پلانٹس بنانا چاہتے ہیں،شہباز شریف

لاہور: وزیرِاعلٰی شہباز شریف نے کہا ہے کہ میٹرو بس اور شمسی توانائی کے بعد اب گیس سے چلنے والے پاور پلانٹس بنانے کا بخار میرے ذہن میں اٹھا ہوا ہے۔

لاہور میں تقریب سے خطاب کرتے ہوئے وزیرِاعلٰی شہباز شریف کا کہنا تھا کہ وہ میٹرو بس اور شمسی توانائی کے بعد گیس سے چلنے والے پاور پلانٹس بنانا چاہتے ہیں، بنگلہ دیش ، سری لنکا اور ترکی ہم سے زیادہ ترقی کرگئے ہیں، ہمیں انتہا پسندی اور دہشتگردی سے لڑنا ہے۔

انہوں نے کہا کہ وہ 2018 تک محکمہ تعلیم میں انقلابی تبدیلیاں لائیں گے اور اسکولوں کی تمام ضروریات پوری کی جائیں گی۔

وزیرِاعلی پنجاب نے کہا کہ امتحانات میں کامیابی کا تناسب 85 فیصد ہوگا، اچھی تعلیم صرف اشرافیہ نہیں، عام لوگوں کا بھی حق ہے۔

انہوں نے کہا کہ طلبہ کے وظائف کےلیے 20 ارب روپے کا فنڈ مختص کرینگے ، اس وقت واؤچر اسکیم سے 16 لاکھ بچے مستفید ہو رہے ہیں۔

وزیرِاعلٰی نے کہا کہ بین الاقوامی سطح پر گرین پاسپورٹ کو شک کی نظر سے دیکھا جاتا ہے، ہمیں اپنی ساکھ کو بہتر بنانا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top