site
stats
پاکستان

میچ کے دوران لوڈشیڈنگ،حکومتی احکامات کی دھجیاں اڑا دی گئیں

اسلام آباد : وزیراعظم نوازشریف کی جانب سے پاک بھارت میچ کے دوران لوڈشیڈنگ نہ کرنے کے احکامات کو ہوا میں اڑا دیا گیا۔

ملک کے مختلف حصوں میں بجلی کی آنکھ مچولی جاری ۔ تفصیلات کے مطابق پاک بھارت ہائی وولٹیج میچ میں بھی بجلی کی آنکھ مچولی تاحال جاری ہے۔

الیکٹرک سپلائی کمپنیوں نے وزیراعظم کی جانب سے پاک بھارت میچ کے دوران لوڈشیڈنگ نہ کرنے کے احکامات کو ہوا میں اڑا دیا۔

ایڈیلیڈ کے میدان میں پاک بھارت ٹاکرے کا آغاز ہوتے ہی ملک کے مختلف علاقوں میں بجلی غائب ہوگئی۔ اسلام آباد کے مختلف سیکٹرز میں بجلی غائب ہوئی تو شائقین میچ دیکھنے سےمحروم ہو گئے۔

لاہور کےمُتعدد علاقوں میں بھی بجلی کی بندش سے عوام روایتی حریفوں کے درمیان میچ کا لطف نہ اٹھا سکے۔ فورٹ منرو میں بجلی غائب ہوئی تو شائقین نے احتجاج کرتے ہوئے لورالائی روڈ بلاک کردیا۔

اٹک ، قائدآباد اور میانوالی میں بھی میچ کے دوران بجلی غائب ہونے کی شکایات موصول ہوئیں۔ سندھ میں سکھر ، شکار پور اور سانگھڑ کے بیشتر علاقوں کے شائقین بھی بجلی غائب ہونے کے باعث میچ دیکھنے سے محروم ہیں۔

بنوں میں بھی کرکٹ کے شائقین بجلی غائب ہونے کا رونا رو رہے ہیں۔ بلوچستان میں چاغی ، دالبندین اور چمن کے علاقوں میں بھی میچ شروع ہوتے ہی بجلی غائب ہوگئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top