The news is by your side.

Advertisement

نائجیریا میں بوکوحرام کا مسجد پرخودکش حملہ

میڈگری: نائیجیریا میں دہشت گرد تنظیم بوکوحرام کی کاروائیوں میں شدت آگئی، مسجد میں خود کش دھماکےسےچھبیس نمازی شہید جبکہ تیس سے زائد زخمی ہوگئے ہیں۔

نائیجیریا کے شہرمیڈگری میں واقع ایک مسجد میں بوکو حرام کےشدت پسند نےاپنےآپ کواس وقت دھماکےسےاڑادیا جب نمازی نماز کی ادائیگی میں مصروف تھے۔

حادثے کے بعد چھبیس افراد کی لاشیں اورتیس سے زائد زخمیوں کوقریبی اسپتال منتقل کیا گیا ہے،دہشت گرد تنظیم بوکوحرام نےدھماکےکی ذمہ داری قبول کرلی ہے۔

واضح رہے کہ ایک دن پہلے ہی نائیجیریا کےصدر محمد بوحارنےاپنےعہدے کاحلف اٹھایا ہے اور ان کے لئے سب سے بڑا چیلینج بوکو حرام نامی مذہبی دہشت گرد گروہ ہے۔

بوکوحرام اورحکومت کےدرمیان چھ سال سے جنگ جاری ہے جس کے نتیجے میں اب تک ہزاروں افراد ہلاک جبکہ پندرہ لاکھ افراد سے زائد افراد بے گھرہوچکے ہیں۔

Comments

comments

یہ بھی پڑھیں